Timu ya Mabawe fc
Mchezo huo ulichezwa jana siku ya jumapili ya tarehe 17/08/2014 katika uwanja wa timu ya white star Rulenge. Mchezo huo ulikuwa wa mechi ya kirafiki baina ya timu hizo mbili. Timu iliyoanza kuona lango ni timu ya mabawe baada ya kipa wa Rulenge white stars kushindwa kudaka shuti kali lililopigwa na mshambuliaji wa Mabawe mwl Moses na kupita katikati ya miguu yake (dobo) hatimaye kujaa gorini.
Kiongozi wa timu ya Rulenge akitoa neno kabla ya mpira kuanza
Aidha vijana wa Rulenge walisawazisha gori hilo baadae kidogo kupitia kwa mshambuliaji wao Mbaruku (mwarabu) baada ya uzembe wa mabenki wa timu ya Mabawe kushindwa kuokoa mpira eneo lao la hatari. Na kabla ya kipindi cha kwanza kumalizika mshambuliaji wa Mabawe Ezra Essau aliongeza gori la pili na kufanya matokeo kuwa Mabawe 2 Rulenge 1 hadi mapumziko. Baada ya mapumziko kumalizika Rulenge walianza kwa kasi na kusawazisha gori hilo na matokeo kusomeka 2 kwa 2. Baadae Mabawe waliongeza gori la tatu kupitia kwa mwl Moses aliyepiga shuti kali nje ya 18 na kujaa moja kwa moja gorini bbadae kabla ya mpira kumalizika Rulenge walisawaziha gori hilo na mpaka mwisho wa mchezo matokeo yalisomeka Mabawe 3 Rulenge 3.
Imechapishwa na Ezra Essau (blogger)