Mabingwa Watetezi wa Ligi Kuu Uingereza 2013/2014,Manchester City wakiwa kwao leo March 21,2015,majira ya jioni kupitia msaada mkubwa wa Refa Neil Swabrick katika Dakika ya Pili alipomtoa Mcheza wa West Brom McAuley kwa Kadi Nyekundu na City kushinda Mechi yao kwa bao 3-0.
Kwenye tukio hilo alieonekana kucheza Rafu ni Dawson lakini Refa alimtoa McAuley.
Ushindi huu umewafanya Manchester City wawe nyuma ya Vinara Chelsea kwa Pointi 3 tu lakini Chelsea wana Mechi 2 mkononi.
Bao za Man City zilifungwa na Wilfried Bony, likiwa Bao lake la kwanza kwenye Ligi tangu ajiunge Januari, Fernando na David Silva.
Matokeo ya mechi nyingine za leo March 21,2015 ni Newcastle kufungwa bao 1-2 na Arsenal kwa bao za Olivier Giroud, Tottenham akashinda 4-3 dhidi ya Leicester huku Harry Kane akipiga hat-trick.
Nao Aston Villa wakafungwa bao 0 -1 na Swansea, Southampton kushinda 2- 0 dhidi ya Burnley wakati Stoke City akachapwa bao 1 - 2 na Crystal Palace.
HAPO KESHO JUMAPILI MARCH 22,2015 LIGI KUU.
1630 Liverpool v Man United
1900 Hull City v Chelsea
1900 QPR v Everton