Tumepokea taarifa hapa chumba cha habari cha mtandao wa ngarayetu kutoka kwa wadau wetu kuwa usiku wa kuamkia leo tarehe 22/07/2015 mwanamke mmoja (35) ambaye jina lake hatukulipata mara moja amekutwa amejinyonga ndani ya nyumba anayoishi maeneo ya Kadunduli kijiji cha Nyabisindu kata ya Kabanga wilaya Ngara mkoa wa Kagera.
Wadau wameeleza mtandao wetu kuwa mwanamke huyo amechukua azma hiyo huku mmewe akiwa safari baada ya kusafiri jana na kuelekea eneo ambalo mtandao huu haujajua ni wapi, aidha baadhi ya majirani wamesema chanzo cha kujinyonga kwa mwanamke huyo inasadikiwa kuwa ni wivu wa mapenzi ambapo inadaiwa mme wake alikuwa akitembea na ndugu wa mke wake yaani shemeji yake.
Tutaendelea kuwajuza kadri tutakavyozidi kupata taarifa.