Baraza la Taifa la Elimu ya Ufundi (NACTE) linapenda kuwaarifu wote walioomba kozi za afya katika ngazi za Astashahada na Stashahada kupitia mfumo wa udahili wa pamoja (CAS) kuwa, uteuzi wa awali umefanyika na baadhi ya waombaji wamechaguliwa kujiunga na masomo. Waombaji wote wanatakiwa kutembelea kurasa (profile) zao kuona kama wamechaguliwa kujiunga na masomo na kuthibitisha uteuzi huo.
Waombaji ambao hawajachaguliwa wanashauriwa kusoma sababu za kutokuchaguliwa kisha kufuata maelekezo uliotolewa ili kuweza kuchaguliwa.
Kutokana na uteuzi huu, Baraza limetoa muda kwa ajili ya kufanya marekebisho kwenye maombi yaliyokwisha kutumwa. Maombi mapya pia yanaweza kufanyika katika kipindi hicho.
Waombaji wenye Astashahada za Uganga wanaweza kuomba mafunzo ya kujiendeleza (Stashahada ya Uganga) katika vyuo vifuatavyo: Musoma CATC, Sumbawanga CATC, Masasi CATC, Tanga AMOTC and Ifakara TTCIH.
Mwisho wa kufanya mabadiliko haya ni tarehe 22 Septemba 2015.
Imetolewa na:
Katibu Mtendaji
Baraza la Taifa la ElimuyaUfundi (NACTE)
15 Septemba 2015