Ligi ya New free park hotel ilianza kutimua vumbi katika uwanja wa Kabanga wilayani Ngara mnamo tarehe 12/06/2016 ikishirikisha vilabu 9 vya kata ya Kabanga, Mabawe na Kanazi. vilabu hivyo vilivyoshiriki mashindano hayo ni Mkarehe fc, Mabwe stars, Eight stars ya Nzaza, Ngundusi fc, Vetelan fc, Mchuya fc, Mlimani fc, Kabanga A na Kabanga B.
Katika mashindano hayo vilabu vinne ambavyo ni Vetelan fc, Kabanga B, Ngundusi fc na Eight star vilifanikiwa kuingia hatua ya nusu fainali na ambapo jana tarehe 07/08/2016 vilabu viwili vilivyofanikiwa kuingia fainali vilikutana ambavyo ni Kabanga B na Eight stars ya Nzaza.
Katika mchezo huo wa jana timu ya Kabanga B iliibuka na ushindi wa magoli 6 kwa 2 dhidi ya Eight stars, magoli ya Kabanga B yalifungwa na Vicent Elisha magoli mawili dakika ya 17, na 25, Musa John goli moja dakika ya 38, Ezra Essau goli moja dakika ya 59, Jaston Jason goli moja dakika ya 78, na Badru Yusuph goli moja dakika ya 86, magoli ya Eight stars yalifungwa na Sibomana Abdul goli moja dakika ya 52 na Fadhili Rashid goli moja dakika ya 80.
