Mtu mmoja aliyetambulika kwa jina la Chacha Mwita (24) amekufa baada ya kuchomwa kisu na mwenzake wakigombea mwanamke.
Imeelezwa kuwa siku ya tukio marehemu akiwa kwenye baa moja mjini Sirari, nyakati za jioni kulitokea ugomvi kati yake na mtu mwingine ambaye hakufahamika jina wakigombania mwanamke aliyetajwa kwa jina moja la Dina. Wakati wa ugomvi huo, Mwita alichomwa kisu kifuani na aliyefanya kitendo hicho alitoroka ambapo majeruhi huyo alitokwa damu nyingi na alipofikishwa Hospitali ya Wilaya Tarime alifariki dunia.