Sergio
Beki wa Real Madrid Sergio Ramos ataihama kilabu yake ili kujiunga na Manchester United kulingana na aliyekuwa rais wa Real Madrid Ramon Calderon.
Manchester United wanamtaka beki huyo kwa kitita cha pauni milioni 28.6, ambaye wanaamini anataka kuondoka na Calderon anaamini mchezaji huyo mwenye umri wa miaka 29 kutoka Spain anataka kuhama.
''Najua Sergio amemtaka mkurugenzi mkuu kusikiza maombi kutoka kwa klabu ya Manchester United,''alisema Calderon ambaye alihudumu kama rais wa kilabu hiyo kutoka mwaka 2006 hadi 2009.
Ramon Calderon
Ramon Calderon
''Yeye angependa kwenda Manchester United pekee''.
Kumekuwa na madai kwamba Ramos anatumia uvumi huo ili kuanzisha mazungumzo ya kandarasi ilioimarika katika klabu ya Real Madrid,kilabu aliyojiunga nayo kutoka Sevilla kwa kitita cha yuro milioni 27 mwaka 2005.
benteke
Liverpool imekubali kumsajili mshambuliaji wa Aston Villa Christian Benteke kulingana na mtandao wa Talksport.
Liverpool imehusishwa na uhamisho wa raia huyo wa Ubelgiji katika majuma ya hivi karibuni na kulingana na Graham Beecroft mkataba unatarajiwa kuwekwa hivi karibuni.
Akizungumza wakati wa kipindi cha Alan Brazil alisema:Ninavyojua ni kwamba Benteke ambaye amekuwa akiwindwa na Liverpool kwa mda sasa yuko karibu kuingia mkataba na Liverpool.
''Natarajia kwamba ataweka sahihi yake na kama si leo basi hivi karibuni.Tayari Liverpool imefanya uwezo wake na imeingia katika makubaliano''.
Mkufunzi wa Liverpool Brendan Rodgers amewasajili wachezaji watano msimu huu akiwemo James Milner,Danny Ings,Adam Bogdan,Joe Gomez na Roberto Firmino huku makubaliano ya kumsajili beki wa Southampton Nathaniel Clyne yakitarajiwa.